And let us consider one another to provoke unto love and to good works
Hebrews 10:24

ይህ ድረ ገጽ የኢትዮጵያ ኦርቶዶክስ ተዋሕዶ ቤተክርስቲያን አብነት ትምህርት መማር ለሚፈልግ ሁሉ ትልቅ እገዛ የሚያደርግ መተግበሪያ ሲሆን ለተማሩት የረሱትን ለማስታወስ በተለያየ ምክንያት ወደ አብነት መምህራን ሄደው መማር ላልቻሉ ተማሪዎቸ ደግሞ የበኩሉን አስተዋጽዎ እንደሚያደርግ በማመን ተዘጋጀ። በተለይ በውጭ ሀገር ለሚኖሩ ታዳጊ ልጆቻችን የግእዝ ቋንቋ ንባብ እና ዜማ ተምረው ቀዳሽ፣ ሰባኪ፣ ዘማሪ፣ ተመራማሪ እንዲሆኑ መንገድ ይከፍታል። በይበልጥ ደግሞ በግዴለሽነት እና ባለማስተዋል ከሚመጣው የህይወት መሰናክል ይጠበቁበታል። በዚህ መንፈሳዊ ትምህርት ተጠቃሚ የሆኑ ልጆች ለወላጆቻቸውም ሐሳብና ስጋት አይሆኑም። እንዲሁም ተማሪዎች በሚማሩበት ወቅት ሪከርዱን እያዳመጡ ከመምህሩ ቢማሩ የመምህሩን ድካም እና የተማሪውን ጊዜ መቆጠብ ይቻላል፡፡
በቅርብም ሆነ በሩቅ የምትገኙ ወዳጆቻችን በሃሣብ እና በተለያዩ መንገዶች ስለምታበረታቱን ከልብ እያመሰገንን ይኽ ሥራ መታሰቢያነቱ ለአባቶቻችን ለኢትዮጵያ ሊቃውንተ ቤተ ክርስቲያን ይሁንልን።
የእግዚአብሔር ምሕረትና ቸርነት የቅድስት ድንግል ማርያም አማላጅነት የቅዱሳን መላእክትና የጻድቃን ሰማዕታት ተራዳኢነት የአበው በረከት ከሁላችን ጋር ይሁን አሜን
አዘጋጅ - ርእሰ ደብር ብርሃኑ አካል